Powered By Blogger

ONGI ETORRI GURE BLOGERA

16 oct 2013

KARMELE JAIOREN "AMAREN ESKUAK" EGINDAKO FILMAREN ESTRENAILDIA

Irailaren 27an estreinatu zen  Donostiako zinemaldian  Zinemira sailaren barruan AMAREN ESKUAK Mireia Gabilondok zuzendua, K. Jaioren nobelan oinarritua.

Karmele Jaiok (Gasteiz, 1970) hiru narrazio liburuHamabost zauri (Elkar, 2004), Zu bezain ahul (Elkar, 2007) eta Ez naiz ni (Elkar, 2012) – eta bi eleberriren egile da –Amaren eskuak (Elkar, 2006) eta Musika airean (Elkar, 2010)–.
Karmele Jaioren lanek lehenago ere ezagutu izan dituzte liburuetatik haragoko bideak, Ines Garciak Amaren eskuak liburuan oinarritutako argazki erakusketa egin zuen kasu, eta Ekografiak narrazioa teatro bertsio baten bitartez eraman zuten oholtzara Irene Bauk eta Ramon Bareak. Filmean ikusiko ditugun aktoreen artean daude Ainara Gurrutxaga, Loli Astoreka, Esther Remiro eta Mark Schardan. 

Karmele Jaiok titulu berarekin idatzitako liburuan oinarritutako film honek gaur egungo belaunaldi baten bizipenak islatzen ditu. Konpondu gabeko arazoez ari da. Presazko gauzek benetan garrantzitsua den hori nola ezkutatzen duten kontatzen du. Gai asko jorratzen ditu: sentiberatasunaren balorea, asetzen ez duten lan eta ardurez bakarrik beteriko bizitza, inkomunikazioa, errudun sentitzea… eta, eguneroko errutina hausten denean, horrek dakarren egonezina.Hitzen Uberan