6 oct. 2011

EUSKAL HERRIKO HITZ GURUTZATUEN V. TXAPELKETA



Hemen da EUSKAL HERRIKO HITZ GURUTZATUEN V. TXAPELKETA

Azaroaren 26an jokatuko da Irunen Euskal Herriko Hitz Gurutzatuen V. Txapelketa. Berrikuntza esanguratsuz datorkigu gainera aurtengo edizio hau. Erne egon zaitezte, beraz, hartan parte hartu nahi duzuen guztiok, egutegian beharreko urratua egiteko.

EGITARAUA

Bitan banatuko da Txapelketa eguna. Goizean, eguerdiko ordu biak arte, izango dira lehiaketa-proba guztiak, baita finala ere, eta bazkalondoan egingo da sari-banaketa. Egun guztian, arratsaldeko 18.30ak arte, luzatuko da beraz jardunaldia.
2011ko azaroaren 26aren goizeko 9.30etarako bilduko dira lehiakide guztiak Ola Sagardotegian (Meaka auzoa, Irun), eta goizeko 10.00etan hasiko da saioa, lehiakide guztiak aretoko mahaietan egokitu eta gero. Ikasleak azterketetan bezala ariko dira lehiakideak eta hiztegi-liburuak erabili ahal izango dituzte. Ez da ordenagailurik onartuko. Lehiakideen esku jarriko dute antolatzaileek lehiaketarako behar duten guztia. Lau ekinaldi izango ditu lehiaketak: kanporaketako bi saioak, finalaurrekoa eta finala.

Gehiago irakurtzeko izenburuan klikatu.