EUSKAL HERRIKO INAUTERI ARRAKASTATSUAK

   

TOLOSAKO INAUTERIAK 2013 NAFARROKO INAUTERIAK2013
Hik Hasi INAUTERIAK 35.alea
Ihauteri, inauteri, aratuste, karnabal, zanpatzar... modu askotara deituak izan dira mozorroz, musikaz, dantzaz, janariz eta edariz bustitako egun hauek. Euskal Herriko herri askotan ospatzen diren egunak dira, abenduan hasi eta martxora arte.
Non, zer eta noiz Tradizio katolikoa duten lurraldeetan, garizuma aurretik egiten diren olgeta-egunak dira, bereziki Hausterre-egunaren aurreko igande, astelehen eta asteartean. Baina inauterien esanahia ez da berdina izan historian zehar. Hasieran, gaur egun udaberria den garaian ospatzen zen. Garai horretan hasten zen urte berria, eta ez orain bezala, urtarrilean. Horrela, urte zaharra bukatu eta berria hastea ospatzen zen jai hauekin. Olentzero, Miel Otxin, Zanpatzar... eta beste hainbat pertsonaia erre egiten ziren. Urte zaharraren kutsadura kendu egin behar baitzen, garbitu, eta modu horretara egiten zuten, hainbat pertsonaia errez. Erdi Aroan, berriz, Eliza Naturaren gainetik jarri zen eta inauterien zentzua aldatu egin zen. Elizak Bazkoari eman nahi izan zion garrantzia, Kristoren Pizkundeari. Urtea hasten zen garaian jarri zuen Bazko eguna, hots, udaberrian. Eta inauteriak Garizuma aurrera pasa zituen. Horregatik, gaur egun inauteriak ez dira ez urte hasieran, ez eguzkiaren ez ilargiaren egutegian ospatzen, urte hasiera bien tartean baizik. Egunak aldatzeaz gain, Elizak inauteriak berak ere aldatu zituen lege gogorrak ezarriz. Jaiaren aitzakiaz gertatutako gehiegikeriagatik, ez zituen begi onez ikusten. Estatu espainolean ofizialki debekaturik egon ziren Francoren diktadura bitartean. Ondorioz, inauteriek Eliza bera satirizatuko dute, jasaten duten errepresioari erantzunez, nolabait. Gaur egun inauteriak urtean zehar jantzi ditugun maskara edo karatula guztiak eranzteko erabiltzen dira. Inauterien zentzua liberazioarena da. Batzuk aspaldiko elementu sinbolikoak gorde dituzten inauteri folklorikoak dira eta beste batzuk hiriko inauteri modernoak. Beraz, denboran zehar inauteri egun hauen zentzua aldatu egin da. Hala ere, hainbat eta hainbat herritan garai bateko pertsonaiak eta ohiturak mantentzen dira. Gure proposamena zentzu horretan doa. Euskal Herriko hainbat herritan ospatzen diren inauterien berri luzatu nahi dizuegu. Bertara hurbiltzeko aukera aprobetxatu nahi baduzue, jakin dezazuela noiz joan eta zer ikusiko duzuen.hik hasi aldizkaria

THE CITY OF SAMBA - BRASILGO INAUTERIAK

Orain dela gutxi  iñauteriak bukatu dira  eta hemengo inauteririk ospetsuenetako baten argazkiak ikusteko aukera izan duzue, oraingo honetan aldiz bideo ikaragarri ikusteko aukera  daukazue : munduko inauteririk onenetakoren bat,Brasilgoarena hain zuzen ere.

THE CITY OF SAMBA BRASIL

TOLOSAKO INAUTERIAK

XVIII mendetik Tolosako inauteriei buruzko erreferentziak badaude ere, XIX. mendeko amaieran eta XX. mendearen hasieran eratu ziren egun ospatzen inauteriak.

Geroago, 1937. urtean debekatu egin ziren inauteriak ospatzea frankismoak jarritako zenbait eragozpenak direla eta. 1943. urtera arte, inauteriak xumeki ospatzen hasi ziren berriro. Geroztik, urte askoren buruan, ospe zabala hartu eta hedabideen arreta erakarri dute.

Tolosako inauteriak Tolosa herrian ospatzen diren inauteri urbanoa izateaz gainera, Euskal Herriko inauteri
ospetsuenetakoak dira, Euskal Herri osoko publikoa erakarriz. Inauterietako ohiko mozorroez gainera, euskal jaietako osagai guztiak biltzen ditu, hala nola kuadrillak, danborrada, txarangak, txosnak, desfileak, soka-muturra, gastronomia, txupinazoa. Francoren diktaduraren garaian, Hego Euskal Herrian baimendutako hiriko inauteri bakarrak izan ziren, Udaberriko festak izenburupean izan bazen ere.

                                       
                          
                     TOLOSAKO INAUTERIAK-ARGAZKI BILDUMA